Sed, antaŭ nur du semajnoj ni (mia edzino kaj mi) malkovris novan belaĵon ĉi tie, tute rilata al plantoj kaj arboj. Ni malkovris ĝardenon en ĝardena urbo. Mi ne sciis kiom unikaj kaj apartaj estas japanaj ĝardenoj.
Ni lernis, inter aliaj, ke japanaj ĝardenoj devas aspekti naturaj, ne artefaritaj, havante kurbajn anstataŭ rektajn strukturojn. Ni lernis ankaŭ ke la ĝardeno devas esti malkovrita grade, iom post iom, laŭ vi movas tra ĝi, kiam aliaj partoj estas ete aluditaj, aŭ esti parte videbla inter la arboj, aŭ per akva sono, aŭ simple per la ŝtonaj vojoj kiuj kondukas vin ĉiam al novaj surprizoj...
Ni iris al tiu ĝardeno dum bela tago de la semajnfino, parte ĉar tiuj tagoj oni povas esti kondukita tra la ĝardeno de gvidanto kiu instruas kaj eksplikas al la vizitantoj kion ĉiu arbo estas, kial ĉiu parto estas tia, kia ĝi estas, ktp, ktp. Tiu gvidata vizito daŭras proksimume unu horon, kaj poste oni povas resti en la ĝardeno ĝis la fino de la tago, se oni volas.
Aŭskultante venton kaj akvon, vidante belajn plurkolorajn arbojn, plantojn kaj florojn, oni povas resti en la ĝardeno dum horoj... se oni portas libron, vortkrucenigmon, sudokon, aŭ, laŭ mia edzino, teksaĵon, oni povas sidi sur benko kaj ĝui belan tagon, forgesante problemojn kaj ke vi estas en urbo, ĉar oni sentas sin perdita en la naturo.
Se vi havas japanan ĝardenon proksiman, iru kaj vizitu ĝin.
Ĝis la!
Daniel.
