Ho, kia aventuro... pardonu, mi pensas ke mi jam diris tion...
Sed tio estas vera aventuro... loĝi en alia urbo, en alia lando, parolante alian lingvon...
Tamen, mi devos komenci por diri ke mi ne tradukis multe pli de tiu romano, sed eble mi provos denove... Nun mi provos reaktiviĝi esperante kaj bloge...
Pri tiu aventuro:
Iom pli ol unu jaro, mi ricevis retmesaĝon de iu persono en Amazon.com, kiu ŝatis mian profilon en la retpaĝaro linked-in... li proponis al mi ke mi sendu vivprotokolon al li, por analizi ĉu ili oferas postenon al mi por labori en la Seatlaj oficejoj de tiu kompanio.
Mi diskutis la mesaĝon kun mia edzino, kaj ni pensis ke tio estis tre interesa. Antaŭ multaj jaroj ni ja pridiskutis la eblon labori kaj loĝi Eŭrope... Certe Usono ne estas Eŭropa lando, sed la aventuro estas simila.
Iu alia reviziis tiun protokolon, kaj skribis al mi anoncante ke mi estos intervjuita telefone... Post du telefonaj intervjuoj, nova mesaĝo informis min ke ili volas intervjui min persone.
Mi vojaĝis al Seatlo por esti persone intervjuita de pluraj laborantoj ĉe la oficejoj de Amazon...
Ili oferis bonan postenon poste, do mi venis ĉi tien, Seatlen, por labori kaj loĝi ĉi tie kun mia edzino.
Ni jam loĝas Seatle preskaŭ dek unu monatojn, la urbo belegas, la Seatlanoj estas tre afablaj kaj toleremaj, ke mi certe pensas ke estos malfacila por mi loĝi en alia urbo poste.
Post kelkaj monatoj, mi kontaktiĝis kun la Seatlaj esperantistoj, kaj nun mi provas reaktiviĝi en la movado.
Mi esperas ke mi daŭrigos en tiu blogskribado (pli bone ol antaŭ du jaroj).
Ĝis la!
Daniel.
